Think tank í Barcelona í október

Í október verður svokölluð „Think tank“ ráðstefna í Barcelona á vegum Positive Discipline Association en ráðstefnur af þessu tagi eru haldnar árlega í Bandaríkjunum og reglulega í Evrópu fyrir covid, en þetta er fyrsta ráðstefnan í okkar heimshluta eftir heimsfaraldurinn. Að þessu sinni eru það spænsku samtökin sem hýsa ráðstefnuna og verður hún haldin í Barcelona dagana 25.-27. október nk. Ráðstefnan fer að mestu fram á ensku en að hluta á spænsku og túlkun er í boði á ensku, spænsku og frönsku eftir þörfum. Félagsfólk í Jákvæðum aga á Íslandi hefur rétt til setu á ráðstefnunni og getum við sannarlega mælt með viðburðinum fyrir þá sem eru áhugasamir um stefnuna og framgang hennar. Á ráðstefnur af þessu tagi mætir fólk víðs vegar að úr heiminum og ver saman tíma til að dýpka skilning sinn á stefnunni og bæta í hugmyndasafnið leiðum til að vinna að framgangi hennar. Það væri sannarlega gaman að héðan færi góður hópur til að afla sér þekkingar og þétta raðirnar. Skráning fer fram á síðu spænsku samtakanna:

Think Tank de la PDA en Europa